Farin og flutt !!!Guðný Þorbjörg Klemenzdóttir

Farin !!!!Guðný Þorbjörg Klemenzdóttir

Úff... er rétt að ná að hætta að skæla núna eftir að ég fór með krakkana í morgun. Þó ég sé nú stundum þreytt á þeim þá skæli ég eins og krakki þegar ég fer frá þeim. Ekki misskilja mig... það verður þokkalega miklu skemmtilegra hjá þeim með ömmu og afa heldur en nokkru sinni með okkur svona í gráum hversdeginum. Þau ætla að fara að sigla í kvöld og tékka á Yoko Ono ljósinu og svo á að elda hafragraut á hverjum morgni skilst mér.

En annars, þá er ég bara að pakka og taka til svo það sé nú ekki allt á hvolfi hérna þegar mamma og pabbi taka við.....mamma stoppaði mig nú af samt þegar ég ætlaði að fara að versla í matinn líka.

Nú þarf ég bara að setja golfskóna niður og snyrtidótið og þá er ég tilbúin. Ég ætlaði að fara í skólann í morgun en í gærkvöldi ákvað ég að sleppa því, það var einhvernveginn allt eftir og ég hefði örugglega ekki sofið fyrir stressi í nótt.

Búin að raka loðnuna af leggjunum, fara í lit og plokk og klippingu og er good to go.

Blogga kannski úti ef mér leiðist

Einn sólgleraugnakarl svona bara afþví að ég er að fara í sólina í ORLANDO BABY

Blæjó (er alltaf að lenda í þessu.... ætla að segja bless og bæ og það kemur blæ....)

Guss guss

Danski var það heillin !!!!Guðný Þorbjörg Klemenzdóttir

Haldiði að kerlingin hafi ekki bara drifið sig á danska. Eiginlega bara óvart meira að segja!!! Ég ákvað á sunnudaginn að prófa að vera einn dag á danska á mánudaginn og rifja þetta upp..Ætlaði síðan að byrja á fullu þegar sukkið úti í Orlando væri búið. Nema hvað... nú bara tími ég ekki að hætta. Er búin að vera ÓGEÐSLEGA dugleg og það svínvirkar. Ókei... ég veit að þetta er mest megnis vökvi sem fer svona fyrst en meðan vigtin fer niður þá er mér alveg sama hvað það er sem fer.
Ég verð nú að viðurkenna að ég á í pínu erfiðleikum með að hesthúsa öllu þessu grænmeti....er komin með hálfgerða velgju þegar ég er búin með ca 250 gr. En niður fer það samt og þetta gengur rosa vel. Er samt ekki nógu dugleg að drekka vatn... þarf að herða mig í því.
Annars held ég að nörrinn ég sé að smitast af öllum bóhemtýpunum í skólanum því ég drekk kaffi núna eins og meðal ljóðskáld.... en reyki þó ekki :-)
Ég er með eitthvað æði fyrir kaffi. Kaffikannan mín sem við fengum í innflutningsgjöf þegar við byrjuðum að búa 1997 lítur út eins og ný því hún er bara notuð um jólin en nú verður líklega breyting á... henni er pískað út hérna hvað eftir annað!
Kannski er það líka að þegar mig langar í eitthvað (hafið þið ekki lent í því... ) þá er voða gott að fá sér gott kaffi þótt það sé enginn rjómi útí.... bara undanrenna. Er líka eitthvað svo notó að koma inn úr rigningarbarningnum úti og hita sér kaffi.

Kannski er ég bara að þroskast.....þar kom að því!

En danski virkar greinilega ! Ógó gaman að hoppa á vigtina á hverjum morgni þessa dagana (já ég vigta mig á hverjum morgni... annars gefst ég upp held ég).

Annars er ég að beila á tveimur fögum í skólanum... er mikið að spá í að geyma þau. Ég er á fullu... alltaf að læra (segir Snæsi allavega) og samt er ég ekki byrjuð að læra í þessum tveimur! Er að spá í að lengja námið um eitt ár og dreifa álaginu... fíla mig samt sem algjöran lúser....

Reyni að taka netta Pollýönnu á þetta ... ég er þó allavega lúser sem er að léttast

Bless you all

Gussan

Éggetsvosvariðþað!Guðný Þorbjörg Klemenzdóttir

OK.. þegar maður man varla lykilorðið inn á bloggið þá er eitthvað að!

Ég er nú löglega afsökuð þessa dagana - skólinn hefur alveg ofan af fyrir mér verð ég að segja....vægt til orða tekið sko.

Allt fínt að frétta annars, ég hef allt of mikið að gera í skólanum en á þokkalega vel taminn eiginmann sem er að koma sterkur inn núna

Hann er mjög duglegur þessi elska, hann þarf að keyra Guðrúnu á leikskólann 3 morgna og sækja hana tvisvar í viku. Þá þarf hann líka að sjá til þess að það sé eitthvað í kvöldmatinn og þetta gerir hann bara með glæsibrag verð ég að segja. Mamma átti ekki til orð um daginn, þá var ég í skólanum til 19 og hún kom hingað og Snæsi var þá á fullu að taka til og elda mat og sjá um krakkana..... þetta fannst henni bara stórmerkilegt en ég minnist þess ekki að henni finnist það neitt stórmál þegar ég sé um þetta ásamt fleiru.....Geta konur verið karlrembur? Ég held að mamma þjáist af nettri karlrembu en kannski ekki meira en aðrar konur ,, á hennar aldri" (nú verður hún brjáluð....)

Námið er mjög áhugavert (fyrir mig allavega), mjög fjölbreyttir kúrsar og ekki bara verið að kenna manni það sem snýr að uppgjörum heldur líka fleira sem snýr að fjármála/framkvæmda stjórn... mjög hagnýtt. Ekki bara kennt að stemma af en næsta víst að það verður brjálaður stemmari á þessu heimili þegar þetta verður allt um garð gengið (bókhaldsbrandari... alls ekki víst að allir nái honum sko....ég veit ... ég er nörri).

Nú styttist og styttist í Orlando ferð.... förum á þriðjudaginn eftir rúma viku í svona ,,fullorðinsferð". Við förum 9 saman, við tvö, Kiddi (bróðir Snæsa) og Kata (kona Kidda), Viðar (bróðir Snæsa) og Unnur (kona Viðars), Eygló (systir Snæsa) og Eggert (maður Eyglóar) og svo Nonni (enn einn bróðir Snæsa). Fullt af systkinum og mágkonum og svilkonum og bræðrum... verður örugglega rosa fínt. Þetta er allt svo hresst og skemmtilegt fólk. Planið er að sofa, liggja í sólbaði, fara í golf, fara í búðir, förum sennilega á Cirque de Soleil sýningu, strákarnir eru að pæla í að fara í svona Nascar akstursskóla í hálfan dag , og svo náttlega eta og drekka (aðallega drekka þó....).

Annars auglýsum við hér með eftir ferðafélögum í haustferðina okkar næsta haust. Við förum alltaf í 8 daga á hverju hausti barnlaus og það hefur alltaf verið frábært. Það er hægt að skila inn umsóknum hér hjá okkur og þetta verður lagt í nefnd... nei grín.. en alltaf gaman að hafa skemmtilegt fólk með!

Mamma verður með grislingana, hún er líka í orlofi núna í þýskalandi til að byggja sig upp fyrir þetta... veitir ekki af ....hahaha.

Varðandi þrítugsafmælið.... þá er ég eiginlega að renna á rassinn með að halda þetta núna og er að spá í að vera pínu spes (!!!) og halda upp á 31 árs afmælið mitt næsta sumar.... mér finnst ég hvort eð er ekki vera degi eldri en 29 núna þannig að þetta passar eiginlega bara fínt. Stefnan er tekin á lok maí byrjun júní.... (þá verð ég búin í prófum....) en formattið verður samt það sama... gamaldags PARTÝ og Birta mín... já Singstar. Ég er hvort eð er vön því að vera plötuð í annarlegu ástandi til að syngja með þér þannig að ég hlýt að meika það heima hjá mér í faðmi fyrirgefandi vina og fjölskyldumeðlima....

Ekker smá langt blogg hjá mér núna.... en þetta er líka fyrir heilan mánuð... skal reyna að vera duglegri!

Pís Át (ákvað prófa eitthvað svona rapparalegt núna... passar kannski ekki alveg við stemmarann....)

Gussa

I'm back !!!!Guðný Þorbjörg Klemenzdóttir

Ég meina það .... hvaða blogg leti er þetta eiginlega. Ég er bara búin að vera eitthvað svo tóm blogglega séð...finnst ekkert merkilegt að gerast hjá mér.....

.... en þó er alltaf eitthvað skemmtilegt að gerast. Þannig er mál með vexti að prinsessan á heimilinu er uþb að hætta með bleyju. Hún er rosa dugleg núna, búið að vera svona upp og ofan hingað til en undanfarna daga hefur þetta gengið fínt. Um daginn sat ég með henni inni á baðherbergi og hún sat á koppinum og sagðist þurfa að kú.... (gera númer tvö):

GB: Mamma, sa kemuð engi kúkuð
M: Nú, hvað er að?
GB Ðassinn eð baða bilaðuð !
M: Æ það er nú ekki gott.....
GB: Það þaðð að keypa ný batteðí í hann!!!!!

Yndislegust!

Annars er skólinn bara að byrja á mánudaginn hjá mér. Í augnablikinu er ég ekki alveg að nenna þessu en það lagast örugglega þegar nær dregur. Ætlaði að vera geggjað dugleg að lesa en er búin að lesa alveg hálfan kafla !

Annað mál... veit einhver tölvunörd afhverju ég get ekki lesið bloggið mitt í fína nýja makkanum mínum... ég get lesið öll blogg nema mín.... þar kemur allt á síðunni nema textinn..... hver er klár á makka?

Hér gengur allt annars sinn vanagang, litli Skeggur er ósköp góður að öllu leyti nema hann er ekki alveg að skilja að stofugólfið er ekki klósett! Þetta hlýtur að koma hjá honum. Heklan okkar er að sanna enn betur fyrir okkur hversu yndisleg hún er, þvílíkt geð í hundinum! Litla dýrið hangir í skottinu á henni eða kinnunum og bítur í lappirnar á henni og hún gerir ekkert!

Nú þarf ég að fara að hugsa um þrítugsafmæli... ætlaði alltaf að halda það í haust.... og nú er komið haust víst....Ég ætlaði að halda bara svona gamaldags PARTÝ... bara nóg af búsi...Singstar og svoleiðis. Þarf að finna góðan dag í þetta....

BongóblíðaGuðný Þorbjörg Klemenzdóttir

OHHHH... yndislegt þetta veður hérna dag eftir dag...og ekki skemmir fyrir að vera komin í SUMARFRÍ  Ó jú....kerlingin komin í orlof barasta... ætlaði reyndar að vera hætt í vinnunni minni á þessum tíma en lét tala mig inn á að sjá um ákveðin verkefni í vetur meðfram skruddulestrinum. Er nú að verða pínu spennt að byrja í þessu námi verð ég að segja. Það er svo gaman að vera í skóla,,,,, mér finnst það allavega.

Stóri strumpur kom heim úr sumarbúðunum í dag og sönglar nú sálma án afláts og les í markúsarguðspjalli.....
Það er ótrúlega gott að fá hann heim þessa elsku.... við erum búin að sakna hans mikið. Nú tekur við golfnámskeið hjá honum þessa viku og svo er hann alveg laus.
Ég er nú reyndar ekki alveg komin í sumarfrí... tók að mér smá verkefni þessa vikuna en um næstu helgi er meiningin að bruna í sveitina og vera þar helst bara sem lengst. Reyndar er nýjasta viðbótin við dýragarðinn væntanleg á laugardaginn og því mikill spenningur en sjálfsagt ekkert verra fyrir greyið litla að kynnast okkur í bústaðnum... það er hvort eð er okkar annað heimili so to speak.

Við skruppum að heimsækja litlu rúsínuna og sýna Eggerti hann. Það er ekki komið endanlegt nafn á hann... við höfum hingað til kallað hann Skegg en Snæsi kom með nafnið Tindur í dag.....hvort finnst ykkur flottara? Skeggur eða Tindur? Hann er óttalegur Skeggur.. er með svona brúsk í framan en Tindur er ótrúlega flott nafn líka og svona í stíl við Heklu nafnið. Veit ekki hvað verður ofan á.

Er alveg tóm núna....meira næst
Gussan

Birdie !!!!Guðný Þorbjörg Klemenzdóttir

Dörrtí og doggíGuðný Þorbjörg Klemenzdóttir

 Engar hrukkur bættust við í nótt (hjúkk) og gráu hárin liggja vel lituð ennþá á kollinum þrátt fyrir háan aldur frúarinnar. The big 30 er víst runnið upp, miklu fyrr en mig óraði og ég get svarið það að ég er viss um að ég átti tvítugsafmæli í gær. Furðulegt hvað tíminn líður hratt.

Partíhöld dagsins byrjuðu dálítið fyrr en ég hafði ætlað þegar yndislega fjölskyldan mín stóð (og sumir m.a.s. á náttfötunum) syngjandi afmælissönginn fyrir utan svefnherbergisgluggann okkar. Þau voru klyfjuð af brauði, áleggi og tilheyrandi og ruddust að sjálfsögðu inn og slógu upp veislu. Þau klikkuðu ekki á pökkunum og ég fékk eyrnalokka og peninga frá ma og pa og stóri brói og kó gáfu mér náttkjól, armband og peninga.

Peninga !!!! hugsa sjálfsagt sumir en ég bað um peninga. Þannig er að það voru allir að spyrja hvað er hægt að gefa þér.... þú átt allt !!!! Og ég veit , það er alveg satt , það er mjög erfitt að gefa fólki eins og mér. Svo ég sagði, ef ykkur langar til að gefa mér eitthvað þá frábært, en ef þið vitið ekkert hvað það á að vera þá gefið mér bara peninga. Hver peningagjöf sem ég fæ verður dobbluð af mér og summuna ætla ég að gefa í mjög þarft málefni... meira um það seinna.

Það eru margir að velta fyrir sér hvernig Snæsi ætlar að toppa gjöfina mína. Ég get upplýst það að hann er búinn að gefa mér gjöf.... við pöntuðum hana í gær og fáum afhent um mánaðamót.... júbb pínulítill hvolpur var það heillin! Hann er algjör yndi og ég hlakka rosalega til að fjölga um einn í dýragarðinum. Reyndar eru bæði kötturinn og hundurinn í hárlosi núna og eru að gera mig nett brjálaða með því en góðu fréttirnar eru þær að litli doggí fer ekki úr hárum... það þarf að klippa hann!!!!!

Skál fyrir því
Gussan

Bifhjól og bongóGuðný Þorbjörg Klemenzdóttir

RitstíflaGuðný Þorbjörg Klemenzdóttir